5 معادلات على الماشي X الأكسيل

أهلا بيك فى السلسلة الجديدة من تدوينات الأكسيل , معادلة على الماشي فى الاكسيل , أن شاء الله الموضوعات ده هتبقى عبارة عن تطبيق لمعادلات الاكسيل على حالات بتقابلنا فى الشغل و هتبقى مختصرة جداً , مجرد صورة لمعادلات و دوال الاكسيل المختلفة مش زي التدوينات السابقة و اللى كانت بتضم مجموعة من الدوال المرتبطة بشئ معينة (مثال : دوال الجمع فى الأكسيل) . علشان متطولش فى الكلام , كل موضوع هيبقى فى تقريباً 5 معادلات أو صور زي ما قولنا و لو عندك مشكلة او حاجة مش عارف تطبقها أزاي بالاكسيل تقدر تشاركها معانا من خلال التعليق على هذا الموضوع و نحاول نساعد بعض أن شاء الله …. يالا بينا

الحالة الأولي : الجمع بأستخلاص الأسم

معانا جدول فى بيانات عبارة عن عمودين أحدهما خاص بالمناديب “لا يحتوي عمود منفصل يفصل نوع القطاع الذي يعمل به المندوب سواء تجزئة او جملة”و العمود الثاني يضم قيم لفواتير , و المطلوب هو جمع كل المبيعات التي تم فى قطاع الجملة , او تجميع مبيعات ولاد الوكيل اللى هم مصطفى و أبراهيم ^_^  (يعني من الاخر عايز اي كلمة فى العمود احددها يجمع الاكسيل قيمة مبيعاتها) .

و كانت النتيجة أني أستخدمت دالة SUMIF , مع الخذ فى الاعتبار أني محتاج جزء من النص اللى فى عمود المناديب بستخدم &F3& و طبقت ده بعمادلتين اللى فى الصورة تقدر تختار اللى يناسبك و تقدر تحمل شيت الشيت من أخر التدوينة ده …

الحالة الثانية : الأستعلام عن آخر قيمة 

توفر لدينا جدول يحمل مجموعة مدخلات و المطلوب الاستعلام عن أخر قيمة لأحد العناصر (ممكن الاستعلام على أخر فاتورة لعميل معين أو رصيده أو ..) هنطبق الحالة علي نفس الجدول السابق , و ذلك بـ أستخرج آخر فاتورة لأي من المناديب و هسنخدم ف الحل معادلتين و هما LOOKUP , SEARCH كما فى الصورة 

الحالة الثالثة : أيام العمل بين تاريخين 

لو فرضنا انه فى أجراء يتم أتخاذه من تاريخ معين و يكون هناك فترة سماح تقدر بعدد أيام عمل , مثلاً الطعن على أحد النماذج الضريبية يكون 30 يوم من تاريخ الاستلام و لو فرضنا استثناء أيام العطلات الاسبوعية لمصلحة الضرائب المصرية (الجمعة و السبت) و كذلك العطلات الرسمية , هتكون النتيجة على النحو التالي بأستخدام دالة WORKDAY.INTL .

الحالة الرابعة : أظهار تابات الشيت 

هنتعرف فى هذة الحالة أزاي تظهر أو تخفي صفحات الشيت (sheet tabs) فى ملف الأكسيل , فى أغلب الأحيان كل فترة فى حد بيسألني لما بيحمل شيتات من المدونة أني صفحات الشيت مش بتظهر فى الأسفل كما هو الحال , علشان تظهر التابات او تخفيها هيبقى من خلال الضغط على file من القائمة العلوية و بعدها هختار options و منها Advanced هيفتحلك قائمة منبثقة هتنزل شوية هتلاقي Display option for this work book , و هتعلم صح على show sheet tabs , و لو عايز تخفيها هتشيل علامة صح ..

الحالة الخامسة : كتابة رقم الجوال فى الاكسيل 

وفقاً للرياضيات فى كتابة الصفر على اليسار ليس له قيمة و بالتالي الاكسيل يتجاهل الصفر الموجود على يسار رقم التليفون (01011012015) و يقوم بحذفه , و لاظهار الرقم كامل فى الاكسيل هناك طريقتين .
1- الطريقة الأولي : تعديل format cells بالخلايا حتي تستوعب و تتعامل مع الرقم علي أنه نص و ذلك من خلال أحد السبل الموجود بالصورة أما من أعتبار الخلايا text أو من خلال الخلايا من custom أدخل فى قائمة type _ عشرة أصفار كما بالصورة.
2- الطريقة الثانية :  هي أضافة علامة (‘) قبل الرقم بالخلية كما بالصورة و لا تظهر هذة العلامة فى الشيت كما هو الحال .

تحميل شيت التطبيق “من هنا ”